DataLife Engine > Yazdırılabilir versiyon > “Dərinsulu Günəşli” platformasından indiyədək hasil edilən neft və qazın həcmi açıqlanıb

Xəzərin Azərbaycan sektorunda yerləşən ”Azəri-Çıraq-Günəşli” (AÇG) yataqlar blokundaki “Dərinsulu Günəşli” platformasından indiyədək 91,5 milyon ton neft hasil edilib.

Bu barədə Qarabaginfo.az-a Energetika Nazirliyinə istinadən xəbər verir.

Məlumata görə, indiyədək “Dərinsulu Günəşli” platfomasından 19,6 mlrd. kubmetr qaz hasil edilib.

Bildirilir ki, AÇG-nin işlənməsinin 3-cü fazası olan “Dərinsulu Günəşli” platformasının istifadəyə verilməsindən 18 il ötür.

Xatırladaq ki, Xatırladaq ki, AÇG üzrə saziş ilkin olaraq 20 sentyabr 1994-cü il tarixində imzalanıb. İlk neft Çıraq yatağından 7 noyabr 1997-ci il tarixində əldə edilib.

AÇG-də pay bölgüsü bu nisbətdədir: BP – 30,37% (operator), AzACG (SOCAR) – 31,65%, MOL – 9,57%, "Inpex" – 9,31%, "ExxonMobil" – 6,79%, TPAO – 5,73%, "Itochu" – 3,65% və "ONGC Videsh Ltd." (OVL) – 2,92%.