Tramp ABŞ-ın İranın nüvə obyektlərinin hər qarışını kameralarla izlədiyini iddia edib
Dünən, 20:40. Yazar: Admin
ABŞ Kosmik Qüvvələrinin kameraları İranın zərbə endirilmiş nüvə obyektlərinin hər qarışına nəzarət edir.
Bu barədə ABŞ Prezidenti Donald Tramp “Truth Social” hesabında yazıb.
O iddia edib ki, həmin zərbələr nəticəsində İranın nüvə obyektləri tamamilə məhv edilib və “nüvə tozu” səviyyəsinə endirilib.
“Midnight Hammer” əməliyyatı nüvə obyektlərini o dərəcədə məhv edib ki, qaniçən İran ora nə yaxınlaşa bilir, nə də onları qazıb çıxara bilir. ABŞ-ın Kosmik Qüvvələri keçən ilin iyun ayında bu qədər uğurla vurulan üç obyektin hər qarışını kameralarla izləyir”, - Tramp vurğulayıb.
Qeyd edək ki, “Midnight Hammer” əməliyyatı zamanı ötən ilin 21-22 iyun tarixlərində ABŞ İranın Fordo, Natanz və İsfahan nüvə obyektlərinə zərbələr endirib.
Geri dön