Kreml Putin-Orban telefon danışığının stenoqramının yayılmasına münasibət bildirib

Putin-Orban danışığının dərc olunmuş stenoqramında Rusiya və Macarıstanın arasını vura biləcək heç nə yoxdur.

Qarabaginfo.az xəbər verir ki, bunu Kremlin rəsmi nümayəndəsi Dmitri Peskov bildirib.

Onun sözlərinə görə, Putin-Orban söhbətinin dərc olunmuş stenoqramı Macarıstan Baş nazirini dəstəkləyən material kimi qəbul edilə bilər.

"Bu stenoqram Macarıstan Baş nazirini ölkəsinin maraqlarını müdafiə edən praqmatik siyasətçi kimi təsvir edir", - Peskov qeyd edib.

Kremlin sözçüsü Avropa İttifaqı və Brüsseldəki bir çox qüvvənin Orbanın daha bir seçkidə qalib gəlməsini istəmədiyini, onun rəqiblərinin əlinə oynadıqlarını vurğulayıb.