DataLife Engine > Yazdırılabilir versiyon > "Saudi Aramco" Cüayma terminalından mayeləşdirilmiş qaz ixracını dayandırıb

Səudiyyə Ərəbistanının dövlət neft şirkəti "Saudi Aramco" ölkənin şərqində yerləşən Cüayma terminalından mayeləşdirilmiş karbohidrogen qazının ixracını dayandırıb.
Qarabaginfo.az xəbər verir ki, bu barədə "Reuters" agentliyi şirkətin bəyanatına istinadən məlumat yayıb.

Məlumata görə, insident fevralın 23-də baş verib. Agentliyin mənbələri bildirir ki, səbəb propan və butan kəmərlərinin keçdiyi estakadanın bir hissəsinin çökməsi olub.

Şirkət fövqəladə hallara reaksiya planını işə saldığını və yaxın bir neçə həftə üçün planlaşdırılan mayeləşdirilmiş karbohidrogen qazının tədarükünü dayandırdığını açıqlayıb.

Hadisə nəticəsində xəsarət alan olmayıb və qaz sızması qeydə alınmayıb.