“Barselona” Messini qaytarmaq istəyir

“Barselona” Leonel Messini kluba qaytarmağı düşünür.

Kataloniyalılar 2023-cü ilin yayında PSJ ilə müqaviləsi başa çatan argentinalı hücumçunu almaq istəyirlər.

“Barselona”nın prezidenti Joan Laporta və baş məşqçi Xavi hesab edirlər ki, Messi bir neçə şərtlə razılaşarsa, futbolçu kimi kluba qayıda bilər.

Birincisi, Leo maaşını əhəmiyyətli dərəcədə azaltmalı, ikincisi, baş məşqçinin meydanda gördüyü rolu oynamağa razılıq verməlidir.

Ola bilsin ki, Messi qayıdandan sonra “Barsa”nın əsas oyunçularından biri olmayacaq. Klub Leonun Pedri və ya Qavinin inkişafına mane olmasını istəmir.

Həmçinin, “Barsa” Messinin qayıdışının marketinq məsələlərində kluba çoxlu fayda gətirəcəyinə inanır.

Qeyd edək ki, 35 yaşlı hücumçu bu mövsüm PSJ-nin heyətində 11 oyunda 6 qol vurub və 8 məhsuldar ötürmə edib.