İraqdan Kərkük nefti üçün Türkiyəyə yeni boru xətti

Bağdad rəhbərliyi Baiji şəhəri yaxınlarından başlayıb Türkiyə ilə sərhəd olan Fiş Habur bölgəsinə qədər uzanacaq yeni boru kəmərinin Kərkük-Ceyhan xəttinin köhnəlmiş vəziyyətdəki qisminin yerini alacağını qeyd edib.

 Modern.az xəbər verir ki, Kərkük-Ceyhan boru kəmərinin yer aldığı regionun 2014-ci ildə İŞİD terrorçuları tərəfindən ələ keçirilməsinin ardından İraq bu xətt vasitəsilə neft ixracını dayandırmışdı. Bu region artıq ABŞ-ın dəstəklədiyi Bağdad hökumətinə bağlı təhlükəsizlik qüvvələri tərəfindən geri alınıb.

Açıqlamada neft naziri Cabar əl Luabinin yeni neft kəməri layihəsini icra edəcək şirkətlərdən təkliflərin alınması barədə göstəriş verdiyi bildirilir.