Ana Sayfa > Karusel / Siyasət > Partiya sədrindən Əli Əliyevlə bağlı açıqlama: “Bu məntiqlə Əli Kərimli çoxdan həbs edilməli idi…”

Partiya sədrindən Əli Əliyevlə bağlı açıqlama: “Bu məntiqlə Əli Kərimli çoxdan həbs edilməli idi…”


14-01-2022, 22:53. Yazar: Admin

Partiya sədrindən Əli Əliyevlə bağlı açıqlama: “Bu məntiqlə Əli Kərimli çoxdan həbs edilməli idi…”

“Şəhidlər millətimizin başının tacıdır. Eyni zamanda silahlı qüvvələrimizdə xidmət aparan hər bir şəxs qürur yerimizdir. Qısası, silahlı qüvvələrimiz bir xalq olaraq bizim qırmızı cizgimizdir. Çox təəssüflər ki, həmkarlarımdan Vətəndaş və İnkişaf Partiyasının sədri Əli Əliyev bu qırmızı cizgini gözləmədən silahlı qüvvələrimizdə xidmət aparan, ölümdən dönmüş zabitlərimizin ünvanına şər-böhtan söyləməkdən çəkinməyib. Bir qədər də irəli gedərək möcüzə şəklində həyatda qalmış 2 zabitimizi “Siz niyə ölmədiz?” deyə ittiham edirdi. Bütün bunlar olduqca üzücü hallar idi”.

Qarabaginfo.az-ın xəbərinə görə, bunu Gələcək Azərbaycan Partiyasının sədri Ağasif Şakiroğlu bildirib.

A.Şakiroğlu təəssüf hissi ilə qeyd edib ki, bəzi həmkarlarım hələ də cəmiyyətdə, ictimai-siyasi həyatda tutduqları mövqeylərini doğru anlamayıblar və ya anlamaq istəmirlər: “Bu səbəbdən də belə hallar ortaya çıxmış olur. Təbii ki, səsləndirdikləri fikirlərin, yazdıqları yazıların siyasi və mənəvi məsuliyyətini dərk etməyən həmkarlarımın olması olduqca utancvericidir… Heç şübhəsiz ki, hüquqi dövlətdə hər kəsin hüquqları bərabərdir. Möcüzə formasında həyatda qalmış sərhəd xidmətinin zabitlərinin öz şərəf və ləyaqətlərini məhkəmə vasitəsilə müdafiə etmələri də başa düşüləndir. Unutmaq lazım deyil ki, cəmiyyətdə tutduğu mövqeydən asılı olmayaraq hər kəs qanun qarşısında bərabərdir! Hazırda sosial şəbəkələrdə Əli Əliyevin 5 ay müddətinə həbs edilməsində siyasi məzmun axtaranları da görmək mümkündür. Hətta bəziləri bir qədər də irəli gedərək Əli Əliyevin həbsini iqtidar-müxalifət dialoquna zərbə kimi qiymətləndirir, bəziləri də öz aləmlərində “dərin zəkaları ilə analiz apararaq” onun həbsini onun dialoq prosesində iştirak etməməsi ilə əsaslandırmağa çalışırlar. Amma təbii ki, bu versiyaların heç biri real məntiqə söykənmir. Bu məntiqlə (əslində məntiqsizliklə) çıxış etsək, o zaman dialoq prosesində, ümumiyyətlə, iştirak etməmiş AXCP sədri Əli Kərimli çoxdan həbs edilməli idi… Xülasə. Hesab edirəm ki, Əli Əliyev olayı bir çox həmkarıma nümunə olmalı, etdikləri çıxışlarda hüquqa zidd, başqalarının şərəf və ləyaqətini alçaltmaq kimi fikirlərə yol verməkdən çəkindirməlidir. Gərək hər kəs işlətdiyi ifadələrin, səsləndirdikləri fikirlərin hüquqi məsuliyyətini dərk etsin… Sonda “Allah qapısını açsın” demək qalır bizə…”


Geri dön