Son bir həftə ərzində “taxıl dəhlizi” vasitəsilə Ukraynanın Qara dəniz limanlarından 305 458 ton taxıl göndərilib.

Qarabaginfo.az “Anadolu” agentliyinə istinadən xəbər verir ki, Türkiyə və BMT-nin vasitəçiliyi ilə Ukrayna və Rusiya ilə əldə edilmiş “taxıl razılaşması”ndan sonra Ukraynadan ümumilikdə 10 gəmi yola salınıb.

İlk gəmi avqustun 1-də yola düşüb. Bu vaxta qədər Ukraynadan Türkiyəyə yola salınmış 4 gəminin ümumilikdə 170 458 ton qarğıdalı çatdırması planlaşdırılıb. Yola çıxmış gəmilərdən birincisi olan “Polarnet” bu gün Türkiyənin Kocaeli limanına çatıb. Gəmi Türkiyə limanına 12 min ton qarğıdalı çatdırıb. Digər 6 gəminin isə İtaliya, Çin, İrlandiya, İngiltərə, Livana yola salındığı bildirilib.