Saytımızı qiymətləndirin


 
 

Vilyam Hacıyevin məhkəməsində 17 şahid barəsində məcburi gətirilmə qərarı çıxarılıb
Tarix: 22-04-2022 | Saat: 11:49
Bölmə:Karusel / Multimedia | çapa göndər

 

Vilyam Hacıyevin bu pulları necə yığdığı bəlli oldu - TƏFƏRRÜAT » Millitv.az

İmişli Rayon İcra Hakimiyyətinin (RİH) həbsdə olan sabiq başçısı Vilyam Hacıyevin cinayət işi üzrə məhkəməyə 17 şahid məcburi gətiriləcək.

Qarabaginfo.az xəbər verir ki, bu barədə Bakı Ağır Cinayətlər Məhkəməsinin hakimi Azər Paşayevin sədrliyi ilə keçirilən prosesdə elan olub.

Bildirilib ki, dindirilməyən 17 şahid məhkəməyə rəsmi qaydda çağrılsalar da, prosesə gəlməyiblər.

Daha sonara məhkəmə şahidlər barəsində məcburi gətirilmə qərarı çıxarıb.

Proses aprelin 25-dək qədər təxirə salınıb.

Qeyd edək ki, 2020-ci il mayın 5-də məhkəmənin qərarı əsasında Dövlət Təhlükəsizliyi Xidməti tərəfindən V.Hacıyevin xidməti və yaşadığı ünvanlarda əməliyyat-istintaq tədbirləri həyata keçirilib. Daha sonra o, həbs edilib.

İstintaq orqanı tərəfindən V.Hacıyevin barəsində Cinayət Məcəlləsinin 179.3.2-ci (külli miqdarda mənimsəmə və ya isriaf etmə, 308.1-ci (vəzifə səlahiyyətlərindən sui-istifadə, yəni vəzifəli şəxsin xidməti vəzifələrinin icrası ilə əlaqədar özü və ya üçüncü şəxslər üçün qanunsuz üstünlük əldə etmək məqsədilə öz qulluq səlahiyyətlərindən qulluq mənafeyinə qəsdən zidd olaraq istifadə etməsi və ya qulluq mənafeyi tələb etdiyi halda istifadə etməməsi fiziki və ya hüquqi şəxslərin hüquqlarına və qanuni mənafelərinə, yaxud cəmiyyətin və ya dövlətin qanunla qorunan mənafelərinə mühüm zərər vurduqda), 311.3.3-cü (rüşvət alma (passiv rüşvətxorluq), külli miqdarda törədildikdə) və 313-cü (vəzifə saxtakarlığı) maddələri ilə ittiham elan olunub.



Xəbəri paylaş

1245 dəfə oxunub.

Digər xəbərlər