Tarix: 05-01-2022 | Saat: 15:04
Bölmə:Karusel / Gündəm | çapa göndər
"Türkiyə Qazaxıstanda baş verənləri yaxından izləyir və böhranın aradan qaldırılacağına əmindir".
Qarabaginfo.az xəbər verir ki, bu, Türkiyə Xarici İşlər Nazirliyinin bu gün yaydığı bəyanatda deyilir.
Bəyanatda qeyd olunur:
"2022-ci il yanvarın 2-3-də Qazaxıstanda başlayan və bu səhər hökumətin istefası ilə başa çatan etiraz aksiyalarını diqqətlə izləyirik. Biz dost Qazaxıstanın sabitliyinə böyük əhəmiyyət veririk. Ümidimiz qardaş Qazaxıstanın sülh və əmin-amanlığınadır. Tam əminik ki, Qazaxıstan rəhbərliyi bu böhranı aradan qaldıracaq. Biz Qazaxıstan xalqının sağlam düşüncəsinə güvənirik və ümid edirik ki, vəziyyət yaxın gələcəkdə normallaşacaq”.
Daha sonra bəyanatda qeyd olunur:
“Təhlükəsizlik qüvvələri də daxil olmaqla, yaralanan qazax qardaşlarımıza tezliklə şəfa diləyirik”.
Digər xəbərlər