Saytımızı qiymətləndirin


 
 

Yunis Hüseynov: “Elə bil yerli məşqçilərin hamısı ölüb”
Tarix: 02-12-2021 | Saat: 13:59
Bölmə:Karusel / İdman | çapa göndər

Yunis Hüseynov: “Elə bil yerli məşqçilərin hamısı ölüb”

“Millinin baş məşqçi postuna kimlərinsə namizəd kimi adının çəkilməsi boş şeylər idi”.

Qarabaginfo.az xəbər verir ki, bunu Azərbaycan millisinin sabiq futbolçusu Yunis Hüseynov apasport.az saytına açıqlamasında Canni de Byazinin baş məşqçi postunda saxlanılmasına münasibət bildirərkən deyib.

56 yaşlı mütəxəssis AFFA İcraiyyə Komitəsinin bugünkü qərarının yerində olduğunu düşünür: “De Byazinin qalması doğru qərardır. Onsuz da, yerli məşqçi təyin olunmayacaqdı. Başqa əcnəbi gətirməkdənsə, de Byazini saxlamaq düzgün idi. Çünki yeni məşqçi il yarım vaxt istəyəcəkdi. Ondan sonra da deyəcəkdi ki, komandaya indi öyrəşirəm. Həmişə belə olub. Mətbuatda yazılanlara əsasən, de Byazi maaşının yarıya endirilməsinə də razı olub. Bu mənada italiyalı ilə bağlı qərarı doğru hesab edirəm”.

Hüseynov AFFA-nın yerli mütəxəssislərlə çalışmaq istəmədiyini də etiraf edib. O, milliyə azərbaycanlı məşqçinin gətirilməyəcəyini öncədən bildiyini söyləyib: “Yerli məşqçiyə etimad göstərilməyəcəyinə əmin idim. Çünki onların azərbaycanlı mütəxəssislərə heç vaxt inamları olmayıb. Əvvəllər Ağasəlim Mircavadov, Əsgər Abdullayev, Kazbek Tuayev, Vaqif Sadıqov, Şahin Diniyev işləyib. Açığı, o vaxt heç ağlımdan da keçməzdi ki, milliyə əcnəbi məşqçi gətiriləcək. Bizim o qədər məşqçimiz var ki, elə bil hamısı ölüb, qırılıb. Sadəcə, deyirlər ki, biz yerli mütəxəssislərlə işləmək istəmirik, sizlik deyil”.

Qeyd edək ki, AFFA Canni de Byazi ilə müqavilə müddətini 2022-ci ilin oktyabrına qədər uzadıb.



Xəbəri paylaş

1275 dəfə oxunub.

Digər xəbərlər