Saytımızı qiymətləndirin


 
 

İtaliyalı senator: "Ermənistan-Azərbaycan münaqişəsi keçmişdə qaldı"
Tarix: 05-11-2021 | Saat: 18:43
Bölmə:Karusel / Dünya | çapa göndər

İtaliyalı senator: Ermənistan-Azərbaycan münaqişəsi keçmişdə qaldı

İtaliya Senatının Xarici əlaqələr və miqrasiya komissiyasının sədri Vito Petroçelli Azərbaycan-İtaliya parlamentlərarası əlaqələr üzrə işçi qrupunun rəhbəri Zəfər Günü münasibətilə Azərbaycan parlamentinə təbrik məktubu göndərib.

Bu barədə Qarabaginfo.az-a Milli Məclisin Mətbuat və ictimaiyyətlə əlaqələr şöbəsindən məlumat verilib.

Vito Petroçelli Azərbaycan Respublikasının ərazi bütövlüyünün bərpasının ildönümünü münasibətilə ən xoş arzularını çatdırıb. Komissiya sədri Ermənistan-Azərbaycan münaqişəsinin keçmişdə qaldığını qeyd edib və BMT Təhlükəsizlik Şurasının 1993-cü il qətnamələrinə uyğun olaraq ədalətli və davamlı sülhün bərqərar olunmasının vacibliyini bildirib.

Məktubda Azərbaycan Respublikası hökumətinin və parlamentinin çoxtərəfli əməkdaşlıq üçün fövqəladə imkanlarından maksimum istifadə edərək, Mərkəzi Qafqazın və qonşu regionların sülh və sabitliyinin, firavanlığının və təhlükəsizliyinin təmin edilməsinə əminlik ifadə olunur, İtaliya-Azərbaycan parlament münasibətlərinin həmişə yüksək səviyyədə qalacağına inam bildirilir.



Xəbəri paylaş

1247 dəfə oxunub.

Digər xəbərlər
8-12-2021, 20:05 Rusiya ABŞ-a NOTA VERDİ